സര്‍വ്വേശ്വരന്റെ കൃപാകടാക്ഷങ്ങള്‍ക്കു പാത്രീഭവിച്ച് നല്ലവീട്ടിൽ ‍ മഠത്തിന്റെ ഒരു ശാഖയാണ് ഈരിക്കല്‍ കുടുംബം. മധ്യകാല തിരുവിതാംകൂര്‍ നായര്‍ സമൂഹത്തിന് അസാമന്യമായ നേതൃത്വ പാടവത്തോടു ദിശാബോധം നൽകി എതാണ് ഈ കുടുംബത്തിനെ അന്യാദൃശമാക്കുന്നത്. ചരിത്രത്തിലേക്കു തിരിഞ്ഞുനോക്കുമ്പോള്‍ നെടിയാണിക്കല്‍ കൈതവന കുടുംബത്തില്‍ നിന്നു വംശവൃക്ഷത്തിന്റെ ആരംഭം തുടങ്ങുന്നതു കാണാം. ക്രിസ്ത്വബ്ദം 8-ാം നൂറ്റാണ്ടിന്റെ മധ്യകാലത്ത് നെടിയാണിക്കല്‍ കൈതവന കുടുംബത്തില്‍ പുണ്യശ്ലോകരായ രണ്ടു യുവതികള്‍ ഉണ്ടായിരുന്നു . പൂര്‍വ്വികാര്‍ജ്ജിതമായ അനവധി സ്വത്തുകള്‍ക്കവകാശികളായിരുന്നു ഇവര്‍. ഏതു വിധേനയും ഇവരുടെ സ്വത്തു കൈക്കലാക്കാന്‍ തക്കം പാര്‍ത്തിരുന്നു സ്വസഹോദരന്‍ ഇവരുടെ ജീവനുപോലും ഭീഷണിയുയര്‍ത്തിയിരുന്നു. ഇവരുടെ കുടുംബക്ഷേത്രത്തിലെ പുരോഹിതനായ ബ്രാഹ്മണന്‍ ഇക്കാര്യങ്ങളെല്ലാം അറിഞ്ഞ് ആ സ്ത്രീ രത്‌നങ്ങളുടെ ജിവന് ഒരാപത്തും വരാതെ സംരക്ഷിച്ചു. അങ്ങനെയിരിക്കെ ഒരുനാള്‍ ഈ പുരോഹിത ബ്രാഹ്മണനാല്‍ അനുഗതരായി സഹോദരിമാര്‍ പടിഞ്ഞാറുദിക്കിലേക്കു പലായനം ചെയ്തു. ദേശത്തിനകത്തുള്ള അതിപുരാതനമായ നായര്‍ പ്രഭുകുടുംബമായ പന്തപ്ലാവില്‍ തറവാട്ടില്‍ എത്തിപ്പെട്ടു.